Жером Пауэллын мэдэгдэл индексүүдийг унагалаа.

Монголын цагаар өчигдөр шөнийн 03:00 цагт АНУ-ын Холбооны Нөөцийн Сангийн тэргүүн Жером Пауэлл инфляцын нөхцөл байдал болон цаашид ямар бодлого хэрэгжүүлэх талаар мэдээлэл өглөө.

Түүний мэдэгдлийн дараа ам.долларын индекс 0.35 хувиар өсөж алт болон хөрөнгийн зах зээлийн голлох индексүүд уналаа

Тэрээр “Инфляцыг зорилтот түвшин болох 2 хувьд хүргэх хангалттай арга хэмжээг хэрэгжүүлээгүй байж болох юм. Цаашид дахин бодлогын чанга зохицуулалтууд хэрэгжүүлж болзошгүй” гэлээ.  

Мөн CME Group-ийн бодлогын хүүгийн хүлээлтийг харуулдаг FEDWatch Tool-ийн 12 сарын 13 өдөр болох хурлаар бодлогын хүүг 0.25 хувиар нэмэгдүүлэх магадлал 14.6 хувьд хүрсэн буюу өнгөрсөн долоо хоногийн түвшнээс даруй 2 дахин нэмэгджээ.