Хятадын чип экспортын гол зангилаа болж буй Хонконг

Хятадын хагас дамжуулагчийн экспорт тавдугаар сард шинэ дээд түвшинд хүрч, зөвхөн Хонконг руу хийсэн нийлүүлэлт 15 тэрбум ам.долларт хүрлээ. Энэ нь 2025 оны эхэн үеэс хойш 200 гаруй хувиар өссөн үзүүлэлт юм.

Ингэснээр тавдугаар сард Хятадын нийт хагас дамжуулагчийн экспортын 43% нь Хонконгоор дамжжээ.

Энэхүү өсөлт нь Хонконг зөвхөн эцсийн хэрэглэгч биш, харин Хятадын чипийн худалдаа, экспортын хамгийн том логистикийн төв болж байгааг харуулж байна. Мөн АНУ-ын экспортын хязгаарлалт, дэлхийн нийлүүлэлтийн сүлжээний өөрчлөлтийн үед Хятад бүс нутгийн худалдааны урсгалаа Хонконгоор төвлөрүүлэн зохион байгуулж байгааг илтгэж байна.