AI-ийн дараагийн чиглэлийг тодорхойлох улирал эхэллээ

АНУ-ын компаниудын тайлангийн улирал эрчимжиж буй энэ долоо хоногт Alphabet, Intel, Texas Instruments, Tesla зэрэг технологийн томоохон компаниудын санхүүгийн тайлан анхаарлын төвд байна.

Ялангуяа Alphabet-ийн AI-д хийх хөрөнгө оруулалтын төлөвлөгөө хамгийн чухалд тооцогдож байна. Хэрэв компани дата төв, AI дэд бүтцийн хөрөнгө оруулалтаа бууруулах дохио өгвөл энэ нь Nvidia болон чип үйлдвэрлэгчдээс эхлээд AI экосистемийн нийт компаниудад сөргөөр нөлөөлж болзошгүй юм.

Одоогоор S&P 500 компаниудын улирлын ашиг өмнөх оны мөн үеэс 26%-иар өсөх хүлээлттэй байгаа юм. Гэвч Ирантай холбоотой геополитикийн эрсдэл болон ХНС-ийн бодлогын тодорхойгүй байдал зах зээлийн хэлбэлзлийг нэмэгдүүлсээр байна.