AI-ийн эрэлт: Super Micro-ийн захиалга түүхэн дээд түвшинд хүрэв

AI сервер үйлдвэрлэгч Super Micro Computer 60 тэрбум ам.доллараас давсан шинэ захиалга авснаа мэдэгдэж, ашигт ажиллагааны төсөөллөө эрс нэмэгдүүлсэн байна. Энэхүү мэдээний дараа компанийн хувьцааны ханш 17.5%-иар өсөв.

Технологийн томоохон компаниуд болон үүлэн үйлчилгээ үзүүлэгчид хиймэл оюун ухааны дата төвийн хөрөнгө оруулалтаа үргэлжлүүлэн нэмэгдүүлж буй нь AI серверийн эрэлтийг өндөр түвшинд хадгалж байна.

Энэхүү үзүүлэлт нь AI дэд бүтцийн хөрөнгө оруулалт саараагүй, харин зах зээлийн эрэлт хүчтэй хэвээр байгааг харуулж байгаа бөгөөд AI экосистемтэй холбоотой компаниудын өсөлт өндөр хэвээр байгааг дахин харууллаа.