АНУ-Иран: Харилцан цохилтоо түр зогсоож, дипломат хэлэлцээнд боломж олгов

АНУ 13 хоног дараалан үргэлжилсэн агаарын цохилтоо түр зогсоосны дараа Иран АНУ дахин довтлохгүй бол өөрийн цэргийн ажиллагааг мөн зогсооно гэж мэдэгдлээ.

Цагаан ордны мэдээлснээр Доналд Трамп дипломат яриа хэлэлцээнд боломж олгохын тулд цохилтоо түр хойшлуулсан бол зарим эх сурвалжуудын мэдээлж байгаагаар урьдчилан төлөвлөсөн байнууд цөөрсөн, зэвсгийн нөөцөд дарамт үүсэж эхэлсэн нь энэ шийдвэрт мөн нөлөөлжээ.

Гэсэн ч Ираны тал энэхүү завсарлагыг бодит энхийн алхам бус, тактикийн түр зогсолт гэж үзэж байгаа бөгөөд Вашингтоны байр суурь өөрчлөгдсөн гэдэгт эргэлзэж байгаагаа илэрхийлсэн байна. Иймээс нөхцөл байдал түр намжсан ч хоёр талын хурцадмал байдал бүрэн арилаагүй байна.