Трамп Ирантай хэлэлцээг эхлүүлнэ: Цэргийн ажиллагааг түр хойшлуулав

Донад Трамп АНУ болон Ираны хоорондын шинэ хэлэлцээ даваа гарагт эхлэхээр болсныг мэдэгдэж, одоогоор тохиролцоонд хүрэх эцсийн хугацаа тогтоогоогүй гэж мэдээллээ.

Үүнтэй холбогдуулан АНУ Ираны эсрэг төлөвлөж байсан цэргийн ажиллагааг цуцалж, талууд "хэлэлцээрийн үндсэн хүрээнд" тохиролцоонд хүрсэн гэж мэдэгдсэн юм. Трамп уг хэлэлцээрт Ормузын хоолойг бүрэн нээх асуудал багтаж байгаа гэдгийг мөн онцолсон байна.

Гэсэн ч Ираны талаас Ормузын хоолойг дахин нээх талаар тохиролцоонд хүрсэн гэх мэдээллийг няцааж, тус хоолойгоор Ираны зөвшөөрөлгүйгээр зорчих аливаа хөлөг онгоцонд хаалттай хэвээр байгааг мэдэгдсэн байна. Энэ нь тохиролцооны үндсэн нөхцөлийн хүрээнд хоёр талын байр суурь зөрүүтэй хэвээр байгааг харуулж байна.