Хавдрын вакцины эерэг үр дүн Moderna-ийн хувьцааг 177%-иар өсгөв

Merck болон Moderna компаниудын хамтран хөгжүүлж буй хувь хүнд тохируулсан хавдрын вакцины 1,000 гаруй өвчтөн оролцсон томоохон туршилтын эерэг үр дүн нь хавдрыг эмчлэх шинэ аргыг бий болгох боломжтой гэсэн хүлээлтийг нэмэгдүүлжээ.

Энэхүү вакцин нь уламжлалт хими эмчилгээ шиг эрүүл болон хавдрын эсийг ялгалгүй устгах бус, өвчтөн бүрийн хавдрын онцлогийг таньж, биеийн дархлааг тухайн хавдрын эсүүдийг онилон устгахад чиглүүлдэг байна.

Эмнэлзүйн үр дүнгээс гадна энэхүү ахиц нь хөрөнгийн зах зээлд ч хүчтэй нөлөөллөө. Туршилтын эерэг мэдээллийн дараа Moderna-ийн хувьцааны ханш 177%-иар огцом өсөж, нэг өдрийн дотор бараг гурав дахин нэмэгдсэн байна. Ингэснээр хөрөнгө оруулагчдын анхаарал Moderna-ийн COVID-19 вакцины дараах өсөлтийн шинэ боломж болох хавдрын эмчилгээний технологид шилжлээ.

Гэхдээ хавдрын вакцины салбар дахь өрсөлдөөн зөвхөн Moderna болон Merck-ээр хязгаарлагдахгүй байна. Дээрх хоёр компаниас гадна Roche болон BioNTech зэрэг компаниуд хавдрын эсрэг ижил төстэй технологи хөгжүүлж байна.

Тиймээс хувь хүнд тохируулсан хавдрын вакцин ойрын жилүүдэд эмчилгээний шинэ чиглэл болон төлөвших эсэх нь анхаарал татсан асуудал болж байна. Ойрын 1-2 жилд эдгээр туршилтын хэд хэдэн чухал үр дүн гарахаар хүлээгдэж байгаа нь салбарын цаашдын хөгжлийг тодорхойлох гол үе байх төлөвтэй.