Хүлээлтээс давсан Micron: AI санах ойн эрэлт саарахгүй байна

Micron Technology (MU) улирлын тайлангаа танилцуулж, орлого болон ашгийн үзүүлэлтээр зах зээлийн хүлээлтийг давсан төдийгүй ирэх улирлын төсөөллөө зах зээлийн төсөөллөөс өндөр зарлалаа. Гэсэн хэдий ч хүчтэй тайлангийн дараа хувьцааны ханш бараг өөрчлөгдөөгүй нь хөрөнгө оруулагчдын дунд тодорхой хэмжээний “market indecision” буюу дараагийн чиглэлийг хүлээсэн байдал үүссэнийг харуулж байна.

Тайлангийн гол үзүүлэлтүүд шинжээчдийн төсөөллийг ойролцоогоор 5.3-5.6%-иар давсан байна. Тухайлбал, улирлын орлого $54.23 тэрбумд хүрч, нэгж хувьцаанд ногдох ашиг $33.42 болж өссөн байна.

Үүнээс илүү анхаарал татаж буй зүйл нь AI-д зориулсан санах ойн эрэлт сулрах шинжгүй байгаа явдал юм. Компанийн удирдлага дараагийн улиралд $61.5 тэрбумын орлого төсөөлсөн нь шинжээчдийн $57.02 тэрбумын хүлээлтээс мэдэгдэхүйц өндөр үзүүлэлт юм. Мөн 2027 оны санах ойн үйлдвэрлэлийнхээ дийлэнх хэсгийг аль хэдийн гэрээгээр баталгаажуулсан бөгөөд 2027-2028 онд санах ойн нийлүүлэлт эрэлтээс хоцорсон хэвээр байх төлөвтэй гэж үзэж байна.

Ингэснээр Micron-ийн тайлан зөвхөн нэг компанийн хүчтэй гүйцэтгэлийг бус, AI дэд бүтцийн хөрөнгө оруулалтын мөчлөг үргэлжилж, санах ойн чип нь AI салбарын гол хэсэг болж байгааг харууллаа.