Япон компаниуд олон зуугаараа дампуурч байна

Дэлхийн II дайн, эдийн засгийн хямрал, олон арван жилийн дефляцийг даван туулсан Японы зуу гаруй жилийн түүхтэй компаниуд 2026 онд шинэ сорилттой тулгарч байна.

2026 оны эхний найман сарын хугацаанд 100-аас дээш жилийн түүхтэй 112 компани дампуурсан нь түүхэн дээд түвшин болжээ. Үүний гол шалтгаан нь түүхий эд болон үйл ажиллагааны зардлын өсөлт, ажиллах хүчний хомсдол, дотоодын зах зээлийн агшилт болон бизнесээ өвлүүлэн үргэлжлүүлэх залгамжлагчийн асуудал юм.

2026 оны эхний хагаст үнийн өсөлттэй холбоотой дампуурал 23.8%-иар өсөж 556, харин ажиллах хүчний хомсдолоос шалтгаалсан дампуурал 12.4%-иар нэмэгдэж 227 болсон байна.

Мөн Японы төрөлт буурч, хүн ам хөгширч байгаа нь хоёр том асуудлыг зэрэг бий болгож байна. Нэгдүгээрт, ажиллах хүч улам хомсдож байгаа бол хоёрдугаарт, компаниудын гол орлого бүрдүүлдэг дотоодын хэрэглээний зах зээл аажмаар хумигдаж байна.

Японы олон зуун жилийн настай компаниудын асуудал нь зөвхөн нэг удаагийн эдийн засгийн хүндрэл биш юм. Инфляц, ажиллах хүчний хомсдол, хүн амын хөгшрөлт, дотоодын зах зээлийн агшилт болон залгамж халааны асуудал зэрэг