Технологийн акулуудын санхүүгийн тайлан зарлагдана

АНУ-ын хөрөнгийн зах зээлд энэ долоо хоногт технологийн томоохон компаниудын санхүүгийн тайлан танилцуулагдах бөгөөд үр дүн нь зах зээлийн цаашдын чиг хандлагад чухал нөлөө үзүүлэхээр байна.

Microsoft (MSFT) болон Alphabet (GOOGL) компаниуд лхагва гарагт буюу 10-р сарын 28-нд зах зээл хаагдсаны дараа санхүүгийн тайлангаа танилцуулна. Сүүлийн үед хиймэл оюун ухаантай холбоотой хувьцаануудын ханш савлагаатай байгаа тул хөрөнгө оруулагчид AI бүтээгдэхүүний эрэлт, үүлэн технологийн бизнесийн өсөлт болон цаашдын төлөвт онцгой анхаарал хандуулж байна.

Microsoft-ийн бизнесийн идэвх сайжирч, ялангуяа бэлэн AI шийдлүүдийн эрэлт нэмэгдэж байгаа нь компанийн санхүүгийн үр дүнд эергээр нөлөөлөх хүлээлттэй байна. Тухайлбал, Alphabet (GOOGL)-ийн А ангиллын хувьцаа сүүлийн 52 долоо хоногийн дээд ханшаасаа 21 орчим хувиар доогуур байгаа нь худалдан авах боломжтойг харуулж байна.

Харин Amazon (AMZN) пүрэв гарагт буюу 10-р сарын 29-нд тайлангаа танилцуулах бөгөөд тус компани өмнөх улиралд 2026 оны хөрөнгө оруулалтын зардлаа 220 тэрбум ам.долларт хүрэхээр төсөөлсөн юм.