АНУ-ын ерөнхийлөгч Жое Байден Украйнд зэвсэг болон эдийн засгийн туслалцаа үзүүлэв

ОХУ Украины зүүн болон өмнөд хэсэг рүү шинэчилсэн дайралт хийхээр зэхэж байх үед АНУ-ын ерөнхийлөгч Жо Байден Украин улс руу 800 сая ам.доллартай тэнцэх хэмжээний зэр зэвсэг болон 500 сая ам.долларын санхүүгийн тусламж үзүүллээ.

ОХУ-ын ерөнхийлөгч Владимир Путин Украин улсын Мариупо хотын Азовстал гангийн үйлдвэрийг эзлэх төлөвлөгөөгөө орхин үргэлжлүүлэн бүслэлт хийх тактик руу шилжиж байна.

ОХУ 5-р сарын 9 буюу Ялалтын баярын өдрөөс өмнө Украин руу хийж буй дайралтаас тодорхой үр дүн хүлээж байгаагаа илэрхийллээ. Тиймээс ойрын хугацаанд тус хоёр улсын мөргөлдөөн ширүүсэх магадлалтайг Их Британи улс мэдэгдлээ.

ОХУ-ын орлогын гол эх үүсвэрийг бүрдүүлдэг банк, эрчим хүч, тээвэрлэлт, импорт болон экспортын салбарын үйл ажиллагаанд саад учруулах төлөвлөгөөтэй ажиллаж байна.