Өнгөрсөн долоо хоногт АНУ-ын индексүүд бүгд унав

АНУ-ын бодлогын хүү өсөх магадлалтай гэсэн мэдэгдлийн дараа тус улсын голлох индексүүд бүгд унав. Баасан гарагт Dow Jones Industrial Average 981.36 нэгжээр буюу 2.8 хувиар, S&P 500  2.8 хувиар, Nasdaq 100 2.6 хувиар унасан.

Энэ долоо хоногт ойролцоогоор 160 компани нэгдүгээр улирлын тайлангаа тавина. Тэр дундаас Apple, Amazon, Google, Meta Platforms, Microsoft зэрэг техник технологийн томоохон компаниудын тайлан хамгийн их хүлээлт үүсгээд байна.  

Мөн АНУ дахь инфляцийн түвшин, хэрэглээний үнийн индекс зэрэг тоон мэдээллүүд энэ долоо хоногт зарлагдана.

Энэ долоо хоногийн индексүүдийн өсөх буурах нь эдгээр тоон мэдээллүүдтэй шууд хамааралтай юм.