Microsoft: 69 тэрбум ам.долларын хэлэлцээрээс тоглоом сонирхогчид хожно гэв

Microsoft Corp 69 тэрбум ам.доллароор алдарт "Call of Duty" тоглоомыг бүтээгч Activision Blizzard (NASDAQ:ATVI) компанийг худалдан авах хэлэлцээр нь тоглоом сонирхогчид болон тоглоом бүтээгч компаниудад ашиг тустай байх болно гэж шүүхэд мэдүүлжээ. 

АНУ-ын Холбооны Худалдааны Комиссоос тэдний нэгдэл нь өрсөлдөөнийг хязгаарлана гэж үзэж, хэлэлцээрийг зогсоох шийдвэр гаргасны дараа Microsoft  (NASDAQ:MSFT) компани Холбооны Худалдааны Комиссын шүүхэд гомдол гаргасан юм. 

Холбооны Худалдааны Комиссоос арванхоёрдугаар сарын 8-нд гаргасан гомдолд Activision-ий "World of Warcraft" and "Diablo," зэрэг алдартай тоглоомууд нь Microsoft-ийн Xbox-той өрсөлдөгч төхөөрөмжүүд дээр ажиллах боломжгүй болох магадлалтай гэж дурдсан байдаг. 

Энэ асуудалд Microsoft-ийн ерөнхийлөгч Брэд Смит “Call of Duty” цувралыг арван жилийн турш Sony болон бусад өрсөлдөгчдөд нийлүүлэх нөхцөлийг хэлэлцээрт тусгаж өгсөн хэмээн хариулжээ. 

Activision-ийн гүйцэтгэх захирал Бобби Котик өчигдөр хийсэн мэдэгдэлдээ, Холбооны Худалдааны Комисстой үүсгэсэн эрх зүйн марганд компаниуд ялалт байгуулна гэдэгт итгэлтэй байгаагаа илэрхийлсэн байна. 

"Майкрософт"-ын хэлэлцээрийг мөн Европын холбоо шалгаж байгаа бөгөөд ирэх оны гуравдугаар сарын 23 гэхэд хэлэцээрийг цуцлах эсэхийг шийдэх юм.