Хөрөнгийн зах зээлийн онцлох үйл явдлыг ганц өгүүлбэрээр...

- Хөрөнгө оруулагчид инфляци болон дэлхийн эдийн засгийн хөгжил удааширснаас үүдэх эрсдэлээс зайлсхийж  хөрөнгийн зах зээлээс гарч байгаа нь индексийг огцом унахад хүргэж байна.

- Харин эсрэгээрээ ам.долларын ханш сүүлийн 20 жилийн хамгийн өндөр түвшинд хүрлээ.

- Нефтийн гол импортлогч БНХАУ-д коронавирусын тархалт эрчимжиж байгаа нь газрын тосны эрэлтэд нөлөөлж  үнэ нь уналаа.

-  Алт, биткойны ханш 2021 оны долдугаар сараас хойших хамгийн доод түвшиндээ хүрэв.

-  Өнгөрсөн долоо хоногт АНУ, Их Британи, Австралийн төв банкнууд бодлогын хүүгээ өсгөсөн бөгөөд цаашид үргэлжлүүлэн өсгөхөөр байна.  

-  Хөрөнгө оруулагчид Хятадын COVID-ийг тэглэх бодлогод анхаарлаа хандуулж байна.

-   Шанхай хотод 25 сая оршин суугчдын хөл хориог чангатгаснаар тус улсад үйлдвэрлэдэг дэлхийн технологийн компаниудын нийлүүлэлт саатахад ойрхон байна.

-  Хөрөнгө оруулагчид аюулгүй байдлаа эрэлхийлж, долларын индексийг сүүлийн 20 жилийн дээд түвшинд хүргэсэн нь Холбооны нөөцийн сан эдийн засагт хохирол учруулахгүйгээр инфляцийн эсрэг тэмцэж чадах эсэхэд санаа зовсонтой холбоотой юм.