Coinbase компанийн борлуулалтын орлого жилийн өмнөхөөс 27 хувиар унажээ

Өчигдөр Coinbase компани нэгдүгээр улирлын тайлангаа танилцуулсан бөгөөд борлуулалтын орлогын тоон үзүүлэлт нь шинжээчдийн таамаглаж байснаас доогуур байлаа.

Шинжээчдийн борлуулалтын орлогын таамаглал 1.48 тэрбум ам.доллар байсан бол бодит тоо хэмжээ нь 1.17 тэрбум ам.доллар байв.

Үүнээс үүдэн Coinbase хувьцааны ханш бирж хаагдсаны дараах арилжааны үеэр 15 хувиар, биржийн арилжааны үеэр 12.6 хувиар унажээ.

Хөрөнгийн зах зээл унасан энэ үед хөрөнгө оруулагчдын арилжаа хийх идэвх буурснаар Coinbase дээр хийгддэг гүйлгээ 23.9 хувиар буурсан нь борлуулалтын орлогыг нь 27 хувиар унагасан байна. Ингэснээр  тус компани нэгдүгээр улиралд 430 сая ам.долларын алдагдалтай ажиллажээ.