Холбооны Нөөцийн Сангийн тэргүүн Jerome Powell инфляцийг тогтворжтол бодлогын хүүг өсгөх төлөвлөгөөтэй байна

АНУ-ын инфляцийн түвшин хэт өндөр болж инфляцийг тогтворжуулах зорилготойгоор Холбооны Нөөцийн Сан бодлогын хүүг эхлээд 25 нэгжээр, дараа нь 50 нэгжээр өсгөсөн. 

Хэрэв ирэх саруудад инфляци тогтворжих шинж тэмдэг илрэхгүй бол бодлогын хүүг тээнэгэлзэхгүйгээр нэмж өсгөнө хэмээн Холбооны Нөөцийн Сангийн тэргүүн Jerome Powell мэдэгдсэн.  

Мөн тэрээр өчигдөр яриандаа инфляцийг буцаад 2 хувь болгох зорилттой байгаа ба үүнийг хэрэгжүүлэхийн тулд амаргүй байх болно хэмээн мэдэгдсэн.

Бодлогын хүүгийн хэт их өсөлт нь эргээд эдийн засагт сөргөөр нөлөөлөх боломжтой тул Холбооны Нөөцийн Сан аль болох эдийн засгийн өсөлтийг бууруулахгүй байх арга хэмжээнүүдийг авч байна.