ЭРЭЛТЭЭС ҮҮДЭН ТҮҮХИЙ ГАЗРЫН ТОСНЫ ХАНШ СУЛАРЧ БАЙНА

Бүс нутгийн эдийн засгийн өсөлт удааширч байгаа ч түүхэн дээд цэгтээ хүрсэн инфляцтай тэмцэхийг хичээж байгаа Европын Төв банк пүрэв гарагт бодлогын хүүгээ дахин өсгөх магадлал өндөр байна.

Германы аж үйлдвэрийн үйлдвэрлэл 7-р сард 0.3%-иар буурсан энэ нь бүс нутгийн эрчим хүчний хямралын дараа Европын хамгийн том эдийн засгийн төлөв байдал улам бүр харанхуйлж байгааг харуулж байна.

Саудын Араб 10-р сарын албан ёсны борлуулалтын үнээ гаргасан бөгөөд Ази болон Европын орнуудад нэлээд их хэмжээний бууралт гарсан нь хүлээгдэж буй эрэлт сул байгааг харуулж байна.

Дэлхийн эрэлт хэрэгцээг тойрсон энэхүү сөрөг хандлага нь ОХУ-ын Ерөнхийлөгч Владимир Путины өөрийн улсын эрчим хүчний бүтээгдэхүүнийг "найрсаг бус" орнуудад өгөхгүй байх тухай хатуу анхааруулга өглөө. "Хэрэв энэ нь ОХУ ашиг сонирхолд харш байвал бид юу ч нийлүүлэхгүй" гэж Путин Оросын Алс Дорнодод болсон бага хурлын үеэр хэлэв.

Европын холбооны эрчим хүчний сайд нар баасан гаригийн орой хуралдаж, эрчим хүчний үнийн өсөлтийг зогсоох онцгой арга хэмжээ, тэр дундаа Оросын байгалийн хийн үнэд хязгаарлалт тогтоох тухай хэлэлцэх гэж байна.

Нэмж дурдахад, ОПЕК+ олборлолтоо өдөрт 100,000 баррелиар бууруулах шийдвэр гаргасан нь зах зээлд маш бага нөлөө үзүүлсэн. Цаасан дээр энэ бууралт бага боловч бодит байдал дээр ОПЕК+-ийн ихэнх гишүүн орнууд 10-р сард төлөвлөсөн олборлолтоосоо доогуур бүтээгдэхүүн үйлдвэрлэж байгаа нь зах зээлд 100,000 баррелиас илүү газрын тос танагдах магадлалтай байна.