АНУ марихуаны хэрэглээг хуульчлах гэж буйтай холбоотойгоор тус салбарын компаниудын хувьцааны ханш 10-20 хувир өсөв

Өчигдөр АНУ-ын төлөөлөгчдийн танхимаас ирэх долоо хоногт марихуанын хэрэглээг хуульчлах эсэх талаар санал хураалт явуулах гэж байгаа талаар мэдээлэв.

Тус мэдээлэлтэй холбоотойгоор өчигдөр марихуанын борлуулалт хийдэг компаниудын хувьцааны ханш өндөр өсөлт үзүүллээ.

Тодруулбал, Cronos Group /CRON.NASDAQ/ 8.7 хувиар, Canopy Growth Corp /CGC.NASDAQ/ 11.4 хувиар, Sundial Growers /SNDL.NASDAQ/ 23.1 хувиар, Tilray Inc /TLRY.NASDAQ/ 21.9 хувиар, Hexo Corp /HEXO.NASDAQ/ 13.2 хувиар, Leafly Holdings /LFLY.NASDAQ/ 12 хувиар тус тус өссөн байна.

АНУ-ын ерөнхийлөгч Жое Байден ерөнхийлөгчөөр сонгогдохдоо марихуаныг эрүүл мэндийн салбарт ашиглах хуулийн төслийг батлах талаар мэдэгдээд байсан ч цар тахал, дайн зэрэг олон хүчин зүйлсийн улмаас хойшлуулаад байсан билээ.