Дэлхийн Банкны "Монголын Эдийн Засгийн Тойм"-оос онцлох нь  

 

Эдийн засгийн өсөлтийн төлөв 

• Монгол Улсын эдийн засаг 2024 онд 5.3%, 2025 онд 6.5%-иар өсөх төлөвтэй байна. 

• Дунд хугацаанд эдийн засгийн өсөлт 6.0%-ийн дундажтай байхаар хүлээгдэж байна. 

• Оюу толгой зэрэг томоохон уул уурхайн төслүүдийн олборлолт 2025 онд огцом өссөний дараа тогтворжих төлөвтэй. 

• Цаашид эдийн засгийн өсөлтөд худалдаа, үйлчилгээ, хөдөө аж ахуйн салбар голлон хувь нэмэр оруулах болно. 

Эдийн засгийн идэвхжил ба салбарын нөлөө 

• 2024 оны эхний хагаст эдийн засгийн идэвхжил 5.7%-иар өсөж, гуравдугаар улиралд тогтвортой хэвээр байв. 

• Уул уурхайн олборлолт, тээврийн үйлчилгээний салбарын өсөлт нь эдийн засгийг дэмжсэн гол хүчин зүйл боллоо. 

• Хөдөө аж ахуйн салбар уур амьсгалын хүнд нөхцөлөөс үүдэн агшилттай байсан ч бусад салбарын өсөлт эдийн засгийг тэтгэжээ. 

Дотоод эрэлт ба төлбөрийн тэнцлийн дарамт 

• Дотоод эрэлт өсөлтийг нэмэгдүүлсэн ч импортын зардал ихсэж, уул уурхайн экспортын орлогоос давж байгаа нь төлбөрийн тэнцэлд дарамт үүсгэж байна. 

Эдийн засгийн өсөлтөд нөлөөлөх эрсдэлүүд 

1. Дотоод эрсдэлүүд: 

1. Төсвийн зардал хүлээлтээс их байх нь инфляцын дарамт нэмэгдүүлж, төсөв болон урсгал дансны алдагдлыг өсгөх эрсдэлтэй. 

2. Уур амьсгалын өөрчлөлтөөс үүдэн байгалийн гамшиг нэмэгдэж, эмзэг бүлгүүдэд ноцтой хохирол учруулж болзошгүй. 

2. Гадаад эрсдэлүүд: 

1. Дэлхийн эдийн засгийн удаашрал гадаад эрэлтийг бууруулж, экспортын гол бүтээгдэхүүний үнэ хүлээлтээс буурах эрсдэлтэй. 

2. Геополитикийн хурцадмал байдал түлш, шатахууны үнийг өсгөж, импортын инфляц болон үйлдвэрлэлийн өртгийг нэмэгдүүлэх аюултай. 

Дүгнэлт 
Монгол Улсын эдийн засаг дунд хугацаанд эерэг хандлагатай байгаа ч дотоод, гадаад эрсдэлүүдийн нөлөөг бууруулах бодлого, арга хэмжээ шаардлагатай гэж Дэлхийн Банк тайландаа онцолжээ.