Голомт Капитал ҮЦК ХХК

Монгол Улсын 2026-2028 оны эдийн засгийн төсөөлөл

Төсвийн тогтвортой байдлын зөвлөлийн 2026-2028 оны эдийн засгийн төсөөлийг хураангуйлан хүргэе.

Голлох үзүүлэлтүүд

Эдийн засгийн өсөлт:
- 2026-2028 онд 5.4-5.7% байх төлөвтэй
- Огцом өсөлт гарахгүй, харин тогтвортой, хязгаарлагдмал өсөлт үргэлжилнэ
Инфляцийн хандлага:
- 2026 онд 8.2%, 2027 онд 7.2%, 2028 онд 6.8%
- Төсөөллөөс үзвэл инфляц аажмаар буурах боловч эдийн засагт тодорхой дарамт үзүүлсээр байх магадлалтай

Гол эрсдэлүүд

БНХАУ-ын бодлого:

Хятадын засгийн газар гангийн үйлдвэрлэлийн илүүдлийг бууруулах зорилгоор олборлолт, үйлдвэрлэлээ хумьж эхэлсэн.
Үүнээс үүдэн Монголын нүүрсний эрэлт буурах эрсдэл үүсэж байна.

Төмөр замын холболт хангалтгүй:

Монголын экспортын тээврийн дэд бүтэц хангалтгүй байгаа нь тээврийн зардлыг өсгөж, өрсөлдөх чадварыг сулруулж байна.
Одоогоор БНХАУ-ын боомтуудад дотоодын нүүрсний нийлүүлэлт нэмэгдсэн тул Монголын нүүрсийг хүлээж авах эрэлт багасах хандлагатай.

АНУ, Хятад, Европын холбоо зэрэг гол эдийн засгийн төвүүдийн глобал бодлогын өөрчлөлт Монголд шууд нөлөөлж байна.

АНУ-ын тарифын бодлого:

АНУ-ын шинэ засаг захиргаа гадаад худалдааны хязгаарлалтыг чангатгах магадлалтай.
Энэ нь олон улсын зах зээлд үүсмэл эрсдэл үүсгэж, хөрөнгө оруулалт, санхүүжилтийн урсгалд сөргөөр нөлөөлөх магадлалтай.

Хятадын эдийн засгийн удаашрал:

БНХАУ-ын эдийн засаг хурдацтай өсөх үеээ өнгөрөөж, эрчим хүч, түүхий эдийн эрэлт аажмаар буурч байна.
Монголын экспортын гол зах зээл болох БНХАУ-ын эдийн засгийн сааралт манай гадаад худалдаанд сөргөөр нөлөөлнө.

Төсвийн алдагдал өндөр байх магадлалтай

Сүүлийн жилүүдэд төсвийн зарлага төсөөллөөс давж, санхүүгийн дарамт нэмэгдсэн.
2026-2028 онд мөн бондын эргэн төлөлт их хэмжээгээр хийгдэх тул төсвийн орлого тогтвортой байх шаардлагатай.

Бүтцийн шинэчлэл дутагдалтай

Улсын төсвийн зарцуулалт үр ашиг муутай хэвээр байвал инфляцыг нэмэгдүүлэх, мөнгөний бодлогод хүндрэл учруулах эрсдэлтэй.
Хэт их зардал, үр ашиггүй хөрөнгө оруулалт нь эдийн засгийн тогтвортой байдлыг алдагдуулах аюултай.

Зөвлөмжүүд

Нүүрс тээврийн дэд бүтцийг яаралтай хөгжүүлэх
Экспортын Хятадаас хэт хамааралтай байдлыг бууруулах. Орос, Энэтхэг зэрэг өөр зах зээлүүдэд нүүрсний борлуулалтын сувгийг өргөжүүлэх.
- Дотоодын боловсруулалт, нүүрсний нэмүү өртөг шингэсэн бүтээгдэхүүн үйлдвэрлэхийг дэмжих.
Гадаад валютын нөөцийг тогтвортой байлгах
Төсвийн сахилга батыг сайжруулах . Улсын төсвийн зардлыг үр ашигтай байлгах, үргүй зардлыг танах бодлогыг чангатгах.
Эдийн засгийн төрөлжилтийг нэмэгдүүлэх . Нүүрс, уул уурхайгаас хамааралтай байдлыг бууруулахын тулд хөдөө аж ахуй, дижитал эдийн засаг, боловсруулах үйлдвэр зэрэг бусад салбаруудыг дэмжих. Гадаадын хөрөнгө оруулалтыг татах бодлого илүү тогтвортой, ойлгомжтой байх шаардлагатай.

---------------------------

Данс нээх, арилжаанд оролцох:

7012-1530