Өнгөрсөн сард ХНС бодлогын хүүгээ 0.25 нэгжээр нэмж инфляцийг бууруулах эхний алхмаа хийсэн ч инфляци сүүлийн 40 жилийн хамгийн өндөр түвшинд байна.

Мөнгөний хатуу бодлогын эдийн засагт үзүүлэх нөлөөл болон Украины дайны эргэн тойронд өрнөж буй үйл явдлууд энэ долоо хоногийн онцлох сэдвүүд байх болно.

ХНС-ийн гуравдугаар сарын уулзалтын тайланг энэ лхагва гарагт танилцуулна. Тухайн тайлангаас хөрөнгө оруулагчид мөнгөний бодлогын хэтийн төлөв болон төв банкны баланс дахь 9 их наяд ам.долларыг хэрхэн багасгах талаарх дэлгэрэнгүй төлөвлөгөөтэй танилцах юм.

Өнгөрсөн сард ХНС бодлогын хүүгээ 0.25 нэгжээр нэмж инфляцийг бууруулах эхний алхмаа хийсэн ч инфляци сүүлийн 40 жилийн хамгийн өндөр түвшинд байна.

Тиймээс ХНС-ын дарга Жером Пауэлл тэргүүтэй албан тушаалтнууд өндөр инфляцыг тогтворжуулахын тулд бодлогын хүүгээ илүү өндөр нэгжээр нэмэгдүүлэхэд бэлэн байгаагаа мэдэгдэв. Мөн баасан гарагт зарлагдсан АНУ-ын ажлын байрны сайн үзүүлэлт нь ХНС дахин бодлогын хүүгээ нэмэгдүүлэх хүлээлтийг улам бататгаж өглөө.