Хятадын тоглоом сонирхогчид Warcraft-аар тоглох эрх дахин нээгдэнэ

2023 онд Хятадын NetEase тоглоомын компани Microsoft-той 10 жил үргэлжилсэн хамтын ажиллагаагаа зогсоосны дараа "World of Warcraft" зэрэг алдартай тоглоомыг Хятадын хэрэглэгчид ашиглах боломжгүй болсон.

Ялангуяа тоглоом хөгжүүлэгч Blizzard компанийн бүтээсэн шилдэг тоглоомуудыг Хятадад тоглох боломжгүй болсон нь олон нийтийн дургүйцлийг хүргэсэн юм.

Гэхдээ Microsoft компани Activision Blizzard-ийг худалдаж авсны дараа хурцадмал байдал намжсан.

Улмаар NetEase болон Microsoft компаниуд Activision Blizzard-ийн охин компани болох Blizzard Entertainment-ийн бүтээсэн тоглоомуудыг Хятадад дахин нэвтрүүлэхээр хэлэлцэж эхэлсэн билээ.

Үүний үр дүнд "World of Warcraft", "Hearthstone" зэрэг шилдэг бүтээлүүдийг Хятадын тоглоом сонирхогчид тун удахгүй дахин ашиглаж эхлэх нь ээ.