АНУ-ын ерөнхийлөгч Хятадын ган болон хөнгөн цагааны импортын татвараа нэмэхийг уриаллаа.

АНУ-ын Ерөнхийлөгч Жо Байден Хятадын ган, хөнгөн цагааны импортын татварыг гурав дахин өсгөхийг Худалдааны төлөөлөгчийн газарт уриаллаа. Одоогоор тус улс Хятадын аж үйлдвэрийн түүхий эдэд 7.5 хувийн татвар ногдуулж байна.

АНУ-ын Сангийн сайд Жанет Иеллен өнгөрсөн долоо хоногт БНХАУ-д айлчлах үеэрээ тус улсын Засгийн газраас олгож буй урамшууллын бодлого нь Хятадын хямд үнэтэй нарны эрчим хүчний бүтээгдэхүүн, цахилгаан автомашин зэрэг цэвэр эрчим хүчний бүтээгдэхүүний хэт их нийлүүлэлтийг дэлхий даяар үүсгэж буйг анхааруулсан юм.