Дональд Трамп татвар болон зардлын хуулийг батлахгүй бол татварыг 68% өсгөнө гэж дахин мэдэгдэв

АНУ-ын ерөнхийлөгч Дональд Трамп татвар болон зардлын хуулийг батлахгүй бол татварыг 68% өсгөнө гэж дахин мэдэгдлээ. Энэхүү мэдэгдэл нь улс төрийн хүрээнд болон олон нийтийн дунд томоохон хэлэлцүүлэг өрнүүлээд байна.

Трамп нийгмийн сүлжээнд “Хэрэв уг хуулийг батлахгүй бол түүхэнд байгаагүй буюу 68%-иар татвар өснө!!!” гэж бичжээ.

Тэрээр өмнө нь хэд хэдэн удаа 68%-ийн татварын талаар дурдсан ч энэ тоо хэрхэн гарсан тухай тодорхой тайлбар хийгээгүй юм.

Харин бие даасан, улс төрөөс ангид FactCheck.org сайтын 6 сард гаргасан шинжилгээнд, 2017 онд батлагдсан төсвийн зардлыг танах багцын хугацаа энэ онд дуусахад Америкчуудын 68% нь татварын өсөлтөд өртөх магадлалтайг хэлсэн байж болзошгүй гэжээ.

Мөн Татварын бодлогын Urban-Brookings төвийн тооцоолсноор 2017 оны татварын бууралтыг сунгахгүй бол Америкчуудын татвар дунджаар ойролцоогоор 7.5%-иар өснө гэжээ.

“Том, гайхалтай хууль” ба Намын дотоод зөрчил

Яг одоо Сенатаар хэлэлцэж буй Трампын “Том, гайхалтай хууль”-ийн төсөл нь төсвийн алдагдлыг улам нэмэх эрсдэлтэй гэсэн шүүмжлэлд өртөөд байгаа юм.

Хэдийгээр Бүгд Найрамдахчууд Сенатад олонх ч зарим гишүүд төрийн санхүүгийн эрүүл мэндэд сөргөөр нөлөөлж болзошгүй гэж эсэргүүцэж байна.

---