“Чип” автомашин үйлдвэрлэгч улсуудыг маргалдуулж байна

Европ, АНУ, БНХАУ-ын хооронд “Чип”-тэй холбоотой томоохон маргаан үүссэн нь дэлхийн автомашин үйлдвэрлэлд хямрал авчрах нөхцөл бүрджээ.

Гол асуудал нь Хятадын Wingtech компанийн эзэмшилд байсан Нидерландын чип үйлдвэрлэгч Nexperia компаниас үүдэлтэй. 

Юу болов?

• 10 сард Нидерландын Засгийн газраас үндэсний аюулгүй байдлын хүрээнд Nexperia-г эзэмшилдээ авч, удирдлагыг нь огцруулсан.
• Тиймээс БНХАУ Nexperia-гийн Хятад дахь үйлдвэрүүдээс чип экспортлохыг зогсоосон.
• Энэ чипүүд нь авто машины цахилгаан ажиллагаанд маш чухал үүрэгтэй юм. (гэрэл, тоормос, мэдрэгч, airbag, цонх, мотор гэх мэт)
• Volkswagen, Mercedes, Nissan зэрэг автомашин үйлдвэрлэгчид эдгээр чипний нөөц дуусаж буйг анхааруулсан.

Одоогийн байдал:

• Европт хэлэлцээр үргэлжилж байгаа.
• АНУ, Хятад  зарим чипийг буцааж экспортлох зам гаргаж магадгүй тохиролцоонд хүрсэн.
• Хятадын тал зарим чипийг экспортлохыг зөвшөөрнө гэж мэдэгдсэн.
• Гэхдээ компанийн өмчлөлийн маргаан, технологийн хяналт, аюулгүй байдлын асуудал хэвээр байна.

Яагаад чухал вэ?

Энэ чипүүд жижиг, хямд боловч бараг бүх цахилгаан төхөөрөмжид, тэр дундаа автомашинд зайлшгүй шаардлагатай юм. Nexperia-г тойрсон АНУ, ЕХ, Хятадын маргаан чипийн хомсдол үүсгэж, дэлхий даяарх автомашины үйлдвэрлэлийг зогсооход хүргэлээ. Гэхдээ зарим чипийн экспорт сэргэх магадлалтай ч асуудал бүрэн шийдэгдээгүй байна.

---------------------------

Гадаад арилжаанд оролцох

https://forms.gle/3KQJBJAa44mQbb1q9

 

Данс нээх, арилжаанд оролцох:

https://trader.golomtcapital.com/

7012-1530