Дайныг дуусгах хэлэлцээ явагдаж буйг Ираны тал няцаав

АНУ болон Ираны зөрчил дэгдэх үеэр хөрөнгийн зах зээлд урьд өмнө байгаагүй хурдтай савлагаа үүсч, ердөө 1 цагийн дотор нийт $3 их наядын хөдөлгөөн бүртгэгдлээ. АНУ-ын Ерөнхийлөгч Доналд Трамп Ирантай “үр дүнтэй хэлэлцээ хийж байгаа” гэж мэдэгдсэнээр S&P 500 индекс огцом өсч, зах зээлийн үнэлгээ ойролцоогоор $2 их наядаар нэмэгдсэн ч, Ираны тал үүнийг няцааснаар $1 их наядын уналт гарчээ.

Энэхүү үйл явдал зах зээл бодит үйл явдлаас илүүтэй мэдээ, мэдээлэл болон ирээдүйн хүлээлтэд тулгуурлан хэр хурдан хөдөлж байгааг тод харуулж байна. Геополитик, Ираны дайн, нефтийн үнэ зэрэг нь хөрөнгө оруулагчдын шийдвэрийг голлон хөдөлгөж, ирээдүйн хүлээлт зах зээлийн савлагааг хурцалж байна.