QPAY: Ногдол ашгийн бүртгэлийн өдөр 2026.04.10

Инновэйшн Инвестмент ХК (MSE: QPAY) 2026 оны хувьцаа эзэмшигчдийн ээлжит хурлаа 4-р сарын 30-ны өдөр 15:00 цагт цахим хэлбэрээр зохион байгуулах гэж зарлалаа. Хурлыг https://agm.mn/ холбоосоор шууд үзэж оролцох боломжтой.

Компани 2025 оны цэвэр ашгаасаа нэгж хувьцаанд 50 төгрөг, нийт 9.24 тэрбум төгрөгийн ногдол ашгийг хувьцаа эзэмшигчдэд хуваарилахаар шийдвэрлэсэн байна. Ногдол ашиг авах эрхтэй хувьцаа эзэмшигчдийн нэрсийн жагсаалт 2026 оны 4-р сарын 10-ны өдрөөр тасалбар болгон бүртгэгдэх юм.

Хурлаар дараах асуудлуудыг хэлэлцэхээр төлөвлөжээ:

• 2025 оны үйл ажиллагаа болон санхүүгийн тайланг танилцуулах
• Ногдол ашиг хуваарилах талаар ТУЗ-ийн шийдвэрийг мэдээлэх
• ТУЗ-ийн дүгнэлтийг хэлэлцэн батлах