Трамп Женсен Хуаны нууц амрагийг тагнуул байсныг жилийн өмнөөс мэдэж байсан

АНУ-ын Сенатын Ардчилсан намын удирдагч Чак Шумер Nvidia-ийн гүйцэтгэх захирал Женсен Хуаныг Хятадын тагнуул байж болзошгүй эмэгтэйтэй харилцаатай байсныг Ерөнхийлөгч Дональд Трамп жил гаруйн өмнө мэдсэн ч арга хэмжээ аваагүй хэмээн шүүмжиллээ.

Ирэх нэгдүгээр сард Конгрессын хоёр танхимд олонх болох Ардчилсан нам Nvidia-д чиглэсэн шалгалтыг өргөжүүлэх боломжтой болж байгаа нь компанийн засаглал төдийгүй Хятад руу өндөр хүчин чадалтай AI чип экспортлох бодлогод шинэ эрсдэл үүсгэж болзошгүй байна. Тэрбээр 11-р сарын 9-нд удирдах албан тушаалтнуудтай ээлжит уулзалтаа хийж, болсон үйл явдалд уучлалт хүссэн ч асуултад хариулалгүйгээр бизнесийн асуудлуудад анхаарлаа хандуулжээ.

Энэхүү дуулиан компанийн ажилтнуудын дунд цочрол үүсгээд зогсохгүй, Женсен Хуаны Хятадтай тогтоосон харилцаа болон тус улсад AI чипийн борлуулалтыг нэмэгдүүлэхийг дэмждэг байр сууринд анхаарал хандуулахад хүргэж байна.

Nvidia улирлын санхүүгийн тайлангаа танилцуулахад ердөө нэг долоо хоног үлдээд байгаа энэ үед уг асуудал компанийн удирдлагын нэр хүнд, засаглал болон хөрөнгө оруулагчдын итгэлд хэрхэн нөлөөлөх нь анхаарал татаж байна.