ХНС бодлогын хүүг 0.5%-иар өсгөсний дараа bitcoin 40,000 ам.долларт хүрлээ

Өчигдөр болсон АНУ-ын Холбооны Нөөцийн Сангийн хуралдаанаар бодлогын хүүг хэдэн нэгжээр нэмэгдүүлэх талаар хэлэлцсэн.

Өмнө нь ХНС-ийн тэргүүн Jerome Powell бодлогын хүүг 0.5 хувиар өсгөх төлөвтэй байна гэж мэдэгдсэн ч зарим шинжээч 0.75 хувиар өсгөх боломжтой гэж үзэж байсан юм.

Тэгвэл өчигдөр Холбооны Нөөцийн Сан бодлогын хүүг 0.5 хувиар өсгөж, инфляци тогтворжих төлөвт шилжихийг хүлээх шийдвэрийг гаргалаа.

АНУ-ын хувьд бодлогын хүүг 0.5 хувиар өсгөх нь томоохон шийдвэр байлаа. Учир нь сүүлийн 20 жилд ийм их нэгжээр өсгөж байгаагүй.  

Энэхүү мэдэгдэл гарсны дараа Bitcoin криптовалют 6 хувийн өсөлт үзүүлж 40,002.75 ам.долларт хүрсэн.

Ганцхан криптовалют ч биш, мөн томоохон компаниудын хувьцааны ханш өчигдөр өсөлт үзүүлжээ.