АНУ-ын ХНС тэргүүн Жером Пауэлл, бодлогын хүүг хагас нэгжээр өсгөж, 9 их наяд ам.долларын бондын багцаа 6 сарын 1-нээс бууруулна гэж мэдэгдлээ

Дэлхийн хөрөнгийн зах зээлд онцлох

-        АНУ-ын Холбооны Нөөцийн Сангийн тэргүүн Жером Пауэлл, бодлогын хүүг хагас нэгжээр өсгөж, 9 их наяд ам.долларын бондын багцаа зургадугаар сарын 1-нээс бууруулж эхлэнэ гэж мэдэгдэв.

-        Баасан гарагт АНУ-ын 4 сарын ажлын байрны тайлан зарлагдах бөгөөд  шинжээчид 391,000 ажлын байр шинээр нэмэгдэнэ гэж хүлээж байна.

-        Пүрэв гарагт нефть экспортлогч орнуудын байгууллага ОПЕК болон тэдгээрийн холбоотнууд газрын тосны олборлолтын талаар ярилцахаас өмнө газрын тосны үнэ өсөж байна. Хэдийгээр ОПЕК-ийн зүгээс нийлүүлэлтийг аажмаар нэмэхийг хичээж байгаа ч ОХУ-ын импортыг хориглох Европын Холбооны шинэ санал нь асуудлыг улам хүндрүүлж болзошгүй байна.

Өнөөдөр тайлангаа зарлах онцлох компаниуд:

-        Shell

Нефтийн үнэ өсөж байгаа энэ үед Shell PLC ADR (NYSE:SHEL) 80.45 тэрбум ам.долларын орлого олж, EPS нь 2.18 ам.доллар байна гэж таамаглаж байна.

-        Shopify хэтийн төлөв

Цахим худалдааны аварга компани болох Shopify Inc (NYSE:SHOP) 1.24 тэрбум ам.долларын орлого олж нэгж хувьцаанд  64 центийн ногдол ашиг тараах төлөвтэй байна.